1

ഓ​സ്‌​ട്രേ​ലി​യ​ൻ മണ്ണിൽ ദ​ക്ഷി​ണേ​ന്ത്യ​ൻ സി​നി​മ​യു​ടെ വി​സ്മ​യ​ക്കാ​ഴ്ച​ക​ൾ വിരിയാൻ ദിവസങ്ങൾ മാത്രം. ഇ​ന്ത്യ​ൻ ഫി​ലിം ഫെ​സ്റ്റി​വ​ൽ ഓ​ഫ് മെ​ൽ​ബ​ണി​ന്‍റെ (ഐ​എ​ഫ്എ​ഫ്എം) 17-ാമ​ത് പ​തി​പ്പി​ൽ മലയാള ചിത്രങ്ങളും പ്രദർശിപ്പിക്കുമെന്നത് അഭിമാനനേട്ടമായി. യുവതാരം ദുൽഖർ സൽമാനെ മേളയിൽ ആദരിക്കുകയും ചെയ്യുന്നുണ്ട്. ഓ​ഗ​സ്റ്റ് 13 മു​ത​ൽ 23 വ​രെ ന​ട​ക്കു​ന്ന അ​ന്താ​രാ​ഷ്ട്ര ച​ല​ച്ചി​ത്ര​മേ​ള​യി​ൽ വ്യ​ത്യ​സ്ത പ്ര​മേ​യ​ങ്ങ​ളാ​ൽ സ​മ്പ​ന്ന​മാ​യ മ​ല​യാ​ളം, ത​മി​ഴ്, ക​ന്ന​ഡ ചി​ത്ര​ങ്ങ​ളു​ടെ വ​ലി​യ നി​ര​ത​ന്നെ​യാ​ണ് പ്രേ​ക്ഷ​ക​രി​ലേ​ക്ക് എ​ത്തു​ന്ന​ത്. ഫീ​ച്ച​ർ സി​നി​മ​ക​ൾ​ക്കു പു​റ​മെ ഡോ​ക്യു​മെ​ന്‍റ​റി​ക​ളും ഹ്ര​സ്വ​ചി​ത്ര​ങ്ങ​ളും മേ​ള​യ്ക്കു മാ​റ്റു​കൂ​ട്ടും.

സെ​ന്ന ഹെ​ഗ്‌​ഡെ സം​വി​ധാ​നം ചെ​യ്ത അ​വി​ഹി​തം എ​ന്ന ചി​ത്ര​മാ​ണ് മ​ല​യാ​ളനി​ര​യി​ലെ പ്ര​ധാ​ന ആ​ക​ർ​ഷ​ണം. ഗ്രാ​മീ​ണ പ​ശ്ചാ​ത്ത​ല​ത്തി​ൽ ഒ​രു സ്ത്രീ​യു​ടെ ര​ഹ​സ്യ​ബ​ന്ധ​ത്തെ​ക്കു​റി​ച്ചു​ള്ള സം​ശ​യ​ങ്ങ​ളും തു​ട​ർ​ന്നു​ണ്ടാ​കു​ന്ന ര​സ​ക​ര​മാ​യ സം​ഭ​വ​വി​കാ​സ​ങ്ങ​ളും സാ​മൂ​ഹി​ക പ്ര​സ​ക്തി​യു​ള്ള സ​ന്ദേ​ശ​വും കോ​ർ​ത്തി​ണ​ക്കി​യാ​ണു ​ചി​ത്രം ഒ​രു​ക്കി​യി​രി​ക്കു​ന്ന​ത്.

മോ​സ്കോ അ​ന്താ​രാ​ഷ്ട്ര ച​ല​ച്ചി​ത്ര മേ​ള​യി​ൽ മി​ക​ച്ച ചി​ത്ര​ത്തി​നു​ള്ള അ​ന്താ​രാ​ഷ്ട്ര അം​ഗീ​കാ​രം നേ​ടി​യ ഫാ​സി​ൽ റ​സാ​ഖി​ന്‍റെ മോ​ഹം മേ​ള​യി​ൽ ശ്ര​ദ്ധാ​കേ​ന്ദ്ര​മാ​കും. ശ്രീ​ജി​ത്ത് എ​സ്. കു​മാ​ർ - ഗ്രി​റ്റോ വി​ൻ​സെ​ന്‍റെ കൂ​ട്ടു​കെ​ട്ടി​ന്‍റെ ശേ​ഷി​പ്പ്, നി​പി​ൻ നാ​രാ​യ​ണ​ൻ ഒ​രു​ക്കി​യ കാ​ത്തി​രി​പ്പ്, സ​ഞ്ജു സു​രേ​ന്ദ്ര​ന്‍റെ ഖി​ഡ്കി ഗാ​വ്, ഉ​ണ്ണി​കൃ​ഷ്ണ​ൻ ആ​വ​ള​യു​ടെ ത​ന്ത​പ്പേ​ര് എ​ന്നി​വ​യാ​ണ് പ്ര​ദ​ർ​ശ​ന​ത്തി​നെ​ത്തു​ന്ന മ​റ്റു മ​ല​യാ​ള ചി​ത്ര​ങ്ങ​ൾ. ഹ്ര​സ്വ​ചി​ത്ര വി​ഭാ​ഗ​ത്തി​ൽ സ്വി​ച്ച് ഓ​ഫ്, കു​ട്ടി​ക്ക​ളി എ​ന്നീ ചി​ത്ര​ങ്ങ​ളും മേ​ള​യി​ൽ മാ​റ്റു​ര​യ്ക്കും.

പാ ​ര​ഞ്ജി​ത്തി​ന്‍റെ നി​ർ​മാ​ണ​ത്തി​ൽ സെ​മ്മ​ല​ർ സം​വി​ധാ​നം ചെ​യ്ത മ​യി​ലാ, രാ​മ​ലിം​ഗം ഗൗ​തം സം​വി​ധാ​നം ചെ​യ്ത മേ​ള​യു​ടെ ഉ​ദ്ഘാ​ട​ന ചി​ത്ര​മാ​യ മെ​മ്പേ​ഴ്സ് ഓ​ഫ് ദ ​പ്രോ​ബ്ല​മാ​റ്റി​ക് ഫാ​മി​ലി എ​ന്നി​വ​യാ​ണ് ത​മി​ഴ് വി​ഭാ​ഗ​ത്തി​ലെ പ്ര​ധാ​ന ആ​ക​ര്‍​ഷ​ണം. ഭാ​വി, ഞാ​ൻ രേ​വ​തി എ​ന്നീ ഡോ​ക്യു​മെ​ന്‍റ​റി​ക​ളും ഓ​ട്ടോ ക്വീ​ൻ​സ്, ഗി​വിം​ഗ് മോം ​ദ ടോ​ക്ക് എ​ന്നീ ഹ്ര​സ്വ​ചി​ത്ര​ങ്ങ​ളും ത​മി​ഴി​ൽ​നി​ന്ന് മേ​ള​യി​ലെ​ത്തു​ന്നു​ണ്ട്. ക​ന്ന​ഡ​യി​ൽനി​ന്ന് അ​നൂ​പ് ലോ​കു​റിന്‍റെ ചിത്രത്തോടൊപ്പം ഭാവി എ​ന്ന ഡോ​ക്യു​മെ​ന്‍റ​റി​യും മും​ഗാ​രി​ന എ​ട്ടേ, പ​ങ്ക​ജ എ​ന്നീ ഹ്ര​സ്വ​ചി​ത്ര​ങ്ങ​ളും പ്ര​ദ​ർ​ശ​ന​ത്തി​നെ​ത്തും.

ച​ല​ച്ചി​ത്ര മേ​ഖ​ല​യി​ലെ സ​മ​ഗ്ര സം​ഭാ​വ​ന​ക​ൾ പ​രി​ഗ​ണി​ച്ച് പ്ര​മു​ഖ താ​ര​ങ്ങ​ളാ​യ ദു​ൽ​ഖ​ർ സ​ൽ​മാ​ൻ, ഋ​ഷ​ഭ് ഷെ​ട്ടി, പ​ങ്ക​ജ് ത്രി​പാ​ഠി എ​ന്നി​വ​രെ ച​ട​ങ്ങി​ൽ ആ​ദ​രി​ക്കും. കൂ​ടാ​തെ, ബോളിവുഡ് ഇതിഹാസ നായിക രേ​ഖ​യു​ടെ സാ​ന്നി​ധ്യ​മാ​ണ് മേ​ള​യു​ടെ മ​റ്റൊ​രു പ്ര​ത്യേ​ക​ത. രേ​ഖ പ​ങ്ക​ടു​ക്കു​ന്ന ച​ട​ങ്ങി​ൽ അ​വ​രു​ടെ രാജ്യാന്തരഖ്യാതി നേടിയ ഉ​മ്രാ​വോ ജാ​ൻ പ്ര​ത്യേ​ക​മാ​യി പ്ര​ദ​ർ​ശി​പ്പി​ക്കു​ക​യും താരത്തെ ആ​ദ​രി​ക്കു​ക​യും ചെ​യ്യും.